Напаѓачот на Тотенхем, Роман Павличенко посакува да го напушти Вајт Харт Лејн.

Рускиот фудбалер не се адаптираше најдобро во Премиер лигата, многу почесто е на клупата отколку на теренот во Тотенхем.

Павличенко е дури четврти избор за напаѓач во Тотенхем, пред него се Роби Кин, Џермејн Дефо и Питер Крауч.

Селекторот на Русија, Гус Хидинк изјави загриженост за позицијата на Павличенко на кого не му е местото загарантирано во националниот тим.

"Сакам да си заминам од клубот. Невозможно е да се остане под околностите во кои се наоѓам" - изјави Павличенко.

"Половина година седам на клупата за резервни фудбалери и го изгубив местото во стартниот тим на националната селекција".

"Се надевам дека ќе успееме да се квалификуваме на Светското првенство, но на кој му треба напаѓач кој не игра?

"Јас сакам да играм, а не само да седам на клупата".

"По натпреварите со Словенија ќе отпатувам во Лондон заедно со мојот агент на разговори за мојата иднина на кои сакам и јас лично да пристуствувам".

"Ќе побарам од челниците да ме продадат за разумна цена".

"Нашиот менаџер Хари Реднап, не разговара со мене за случајот. На почетокот од сезоната тој рече дека му се потребни четири напаѓачи, а сега смета дека три се доволно".

Powered by: 24 FUDBAL.com.mk