Германија во знак на почит кон починатиот Роберт Енке, го откажа пријателскиот натпревар против Чиле кој требаше да се одигра во сабота.

Синоќа беше тажен ден за светскиот фудбал, особено за германскиот, целата јавност беше шокирана од смртта на Роберт Енке кој не победи во борбата со депресијата и реши да си го одземе животот.

Поради неговата смрт, во знак на почит, Германија го откажа пријателскиот натпревар против Чиле кој требаше да се одигра оваа сабота.

Енке беше еден од најсериозните конкуренти за место во националниот тим кој ќе игра на Светското првенство во Јужна Африка.

"Фудбалерите побараа време да се совземат од оваа трагедија" - објаснува претседателот на Германската фудбалска федерација, Тео Званцигер.

"Тие рекоа дека не можат да играат во сабота, посебно Михаел Балак кој го знаел Енке од својата 13та година, и Пер Мертесакер неговиот стар соиграч".

Германија на 18ти ноември има закажано и натпревар со Брегот на Слоновата Коска, кој најверојатно ќе се одигра.

Powered by: 24 FUDBAL.com.mk