Менаџерот на Тотенхем, Хари Реднап посакува Селтик и Глазгов Ренџерс да се приклучат на Премиер лигата...

Постои веројатност на шкотските гиганти, Глазгов Ренџерс и Селтик да им се понуди да се приклучат во Премиер лигата.

Се очекува клубовите од Премиер лигата да имаат состанок на таа тема во текот на оваа недела.

Менаџерот на Евертон Дејвид Мојс, и на Астон Вила, Мартон Онил, веќе се изјаснија позитивно на предлогот на претседателот на Болтон, Фил Гартсајд, Селтик и Ренџерс да бидат дел од Премиер лигата.

И Хари Реднап смета дека Селтик и Глазгов Ренџерс ќе влијаат позитивно на Премиер лигата, а од тоа ќе имаат корист фановите кои ќе добијат можност да патуваат на Ибрукс и Паркхед.

"Апсолутно се согласувам Селтик и Ренџерс да бидат дел од англискиот фудбал доколку тие сакаат да играат тука" - вели Реднап.

"Нема сомневање околу тоа, сигурен сум дека ќе биде добро за англискиот фудбал".

"Зборуваме за два големи клуба и доколку тие се преселат во нашата лига ќе гледаме големи натпревари на одлични стадиони".

"Бев во Шкотска пред неколку месеци и го гледав натпреварот од Лигата на Шампионите помеѓу Селтик и Арсенал, атмосферата како да не беше од оваа планета".

"Атмосферата беше неверојатна, и посакувам почесто да гледам такви натпревари".

"Единствено нешто што ме загрижува е што ќе се случи со остатокот од шкотскиот фудбал доколку овие два клуба дојдат во Премиер лигата".

"Доколку ме прашувате дали тоа е добро за англискиот фудбал, одговорот е да" - заврши Реднап.

Powered by: 24 FUDBAL.com.mk