Роналдињо верува дека Милан конечно го реализира својот потенцијал, според него играта на Росоњерите потсетува на онаа на Барса.

По кризата во која се најдоа, Милан почна да бележи добри резултати, со синоќешната победа над Лацио, Росоњерите се искачија на третото место на табелата.

Тимот на Леонардо нема пораз од 30ти септември кога на Сан Сиро загуби од Цирих.

"Го гледам денешниот Милан и сум среќен. Играме како Барса и никој друг во Италија не го прави тоа" - смета Роналдињо.

"Леонардо многу добро ја пронајде оваа формула со тројца напаѓачи и плејмејкер".

"Ние сеуште можеме да напредуваме. Мислам дека Милан може да оди далеку" - изјави Роналдињо кој полека се враќа во форма.

Powered by: 24 FUDBAL.com.mk