Деко: Победа над Јунајтед вреди повеќе од три бода...

Деко смета дека победата над Јунајтед има многу поголема вредност отколку само три бода.

Во недела на Стемфорд Бриџ се игра големото дерби помеѓу Челзи и Манчестер Јунајтед.

Сините влегуваат како благ фаворит во ова дерби поради подобрата форма во која се наоѓаат и домашниот терен.

Деко е уверен дека разликата помеѓу двата тима е во нападот, а смета дека Дрогба ќе биде играчот кој клучен за победа на Сините во недела.

"Големата разлика помеѓу нас и Јунајтед е во нападот" - смета Деко.

"Дрогба ужива во спектакуларната форма можеби најдобра во неговата кариериа и е супериорен во однос на напаѓчката линија на Јунајтед".

"Според мене, Диди ќе биде клучот, ѕвездата на натпреварот, сигурно".

Деко верува дека овој натпревар вреди повеќе од само три бода.

"Мечот вреди четири бода, еден екстра е ударот врз моралот на Јунајтед бидејќи тие веќе загубија од Ливепул".

"Доколку не победат и во Лондон тие ќе треба многу да размислуваат во наредните денови за она што им се случува".

"Победите во ваквите дерби натпревари секогаш имаат дополнителна вредност".

"Би било сензационално за Челзи доколку ноември го започне со пет бода разлика во однос на Манчестер Јунајтед".

Деко вели дека во моментов се наоѓа во најдобра форма откако е дојден во Челзи.

"Јас уживам во мојата најдобра форма откако дојдов од Барселона. Физички сум перфектно подготвен" - заврши Деко.

Powered by: 24 FUDBAL.com.mk