Лотито: Пандев и Ледесма сами се изолираа надвор од составот...

Претседателот на Лацио, Клаудио Лотито вели дека Горан Пандев и Кристиан Ледесма сами се виновници за нивната сегашна состојба

Пандев и Ледесма се надвор од тимот на Балардини само поради тоа што одбија да ги продолжат договорите и побараа да бидат продадени.

Македонскиот интернационалец веќе покрена судска постапка против Лацио и бара раскин на договорот а според медиумите од Италија истото ќе го стори и Ледесма.

Бјанкочелестите покрај тоа што не сакаат да сметаат на квалитетот на овие двајца фудбалери во првенствените натпревари и дуелите од Лига Европа, ризикуваат да не добијат никаква оштета со заминувањето на Пандев и Ледесма.

Но сепак претседателот на Бјанкочелестите вината за ваквата ситуација не ја гледа кај себе туку кај двајцата ’бегалци’.

“Не сакам да го маргинализирам никого.” – рече Лотито. “Ледесма и Пандев самите се изолираа од составот.”

“Нашиот тренер реши да не смета на нивните услуги бидејќи на играчите им недостасува чувство за припаѓање во групата.”

“Натпреварите не се добиваат само со физичка подготвеност, особено се добиваат со главата и срцето.”

Во меѓувреме првото рочиште од случајот на Горан Пандев против Лацио е закажано за во понеделник.

Powered by: 24 FUDBAL.com.mk