МЕНИ

Вардар го победи Силекс, Металург и Работнички одиграа без победник, Ренова го совлада Турново и се искачи на врвот во Првата лига, Слога Југомагнат загуби од Пелистер.

Вардар им се врати на победите, Силекс е поразен на Филип Втори со 3-1.

Вардар уште во првиот дел го реши натпреварот откако Ступиќ со два погодоци донесе водство од 2-0.

Во 64та минута Петров го зголеми водството и на 3-0, а Силекс во 87та успеа да постигне само почесен погодок.

Во дерби натпреварот Металург и Работнички одиграа без победник 1-1.

Домаќините поведоа во 34та минута со голот на Стефановиќ, Савиќ во 55та донесе бод за Работнички.

Нерешениот резултат на Романтичарите го искористи Ренова, која со убедлива победа од 4-0 над Милано се промовираше како нов лидер во лигата.

Ѕвезда на натпреварот беше Јанчевски, кој ги постигна сите четири гола за Ренова.

Слога Југомагнат забележа уште еден пораз во Чаир, овој пат од Пелистер со 3-1.

Димитровски донесе водство за Битолчани во 7та минута, Мировиќ во 57та зголеми на 2-0.

Биљали намали на 2-1, но сите надежи ги урна Клечкаровски со погодок во 90та минута за конечни 3-1.

Со голот на Митрев во 59та минута Македонија Ѓорче Петров го победи Тетекс минимално со 1-0.

Победа од 1-0 забележа и Победа над Хоризонт Турново, Чурлинов уште во 4та минута беше стрелец на победничкиот гол.