Агентот на бразилскиот интернационалец, Даглас Маикон ги отфрла шпекулациите кои го поврзуваат...

...неговиот клиент со преселба во Манчестер Сити

Маикон се поврзуваше со заминување од Интер во летниот трансфер период но високата цена од 40 милиони евра која ја постави Масимо Морати го отргна вниманието на заинтересираните клубови, пред се Реал Мадрид.

Десниот бек подоцна ја потврди својата верност кон Нероаѕурите и најави дека не планира да замине од Џузепе Меаца но медиумите не престанаа со шпекулациите за негово заминување.

Покрај Реал Мадрид, со ангажман на Маикон беше поврзуван Манчестер Јунајтед а во последно време и Манчестер Сити, кој е единствен клуб кој може да плати онолку колку што бара Масимо Морати.

Сепак агентот на Маикон, Антонио Калиендо ги отфрли шпекулациите на медиумите од Островото.

“Маикон секогаш е дел од натписите на весниците за трансфер пазарот. Секогаш се појавува нешто поинакво.” – рече Калиендо.

“Еден ден се поврзува со Реал Мадрид, следниот со Јунајтед и неодамна со Манчестер Сити.”

“Играчот веќе изјави дека сака да остане во Интер.”

“Освен тоа, што би барал Маикон во Сити? Немојте да се шегувате...”

Powered by: 24 FUDBAL.com.mk