Голманот на Ливерпул, Пепе Реина не ја крие желбата дека уште долго посакува да остане на Енфилд...

Ливерпул има очаен старт во новата сезона, во Премиер лигата загуби премногу бодови, а доколку во среда доживее пораз и од Лион во Лигата на Шампионите големи се шансите уште во групната фаза да доживее елиминација.

Сепак, Пепе Реина е оптимист и се надева дека работите ќе тргнат на подобро.

"Трката за титулата сеуште не е завршена. Ние треба да се насочиме од натпревар за натпревар" - вели Реина.

"Сега мора да се фокусираме на Лион, кој е многу значаен натпревар, и мора да се добие, како и оној идниот со Бирмингем во лигата".

Наскоро треба да започнат преговорите за нов договор, Реина не ја крие желбата дека сака да остане во Ливерпул.

"Мојата цел е да потпишам нов договор во иднина и сакам да останам уште многу години на Енфилд. Во зависност од тоа до кога ќе ме сака клубот".

"Ова е веќе моја пета сезона тука, и тоа говори се. Една од моите ќерки е Скаузер (навивач на Ливерпул)".

"Имам некои пријатели тука и мојата жена и децата се среќни. Ги имам сите причини долго да останам тука, и ќе го направам тоа".

Реина му дава поддршка на Рафа Бенитез кој се наоѓа под притисок поради слабите резултати на Црвените оваа сезона.

"Титулите се она за што сите сме тука. Како фудбалер на Ливерпул секогаш мора да ги имате тие амбиции".

"Трофеите се најважна работа и најважна титула секако е Премиер лигата"

"Рафа изгради нешто посебно тука. Откако дојде тој тука, тимот е нешто сосема поинакво од претходно".

"Ние напреднавме и сеуште напредуваме" - заврши Реина.

Powered by: 24 FUDBAL.com.mk