Фабрегас не верува дека Арсенал треба да го промени стилот на игра доколку сака да освои трофеи...

Некои критичари сметаа дека Арсенал треба да го промени стилот на игра со цел да освои трофеј кој го посакуваат долго време.

Фабрегас не се сложува со таквите мислења и смета дека Арсенал може да освои трофеј со стил.

"Знам дека сме способни да освојуваме трофеи, никогаш нема да прифатам дека ние мораме да го промениме нашиот стил на игра за да победиме" - изјави Фабрегас за ShortList.

"Трофеите се важни, но исто и стилот со кој ги играте натпреварите".

"Не се согласувам со аргументите дека со добар фудбал не можете да освојувате трофеи".

"Ние сме очајни да ги задоволиме фановите со успех, но исто така сакаме да ги направиме среќни со начинот на кој играме".

Фабрегас уште еднаш потврди дека размислува само за Арсенал, и не сака да го напушти Лондон.

"Од секогаш сум велел дека сум среќен во Арсенал".

"Но без разлика колку пати ќе го кажам тоа, сеуште има приказни за мене дека ќе се вратам во Шпанија".

"Ова е мојот дом и немам планови да заминам од тука" - заврши Фабрегас.

Powered by: 24 FUDBAL.com.mk