Напаѓачот на Интер, Самуел Ето вели дека имало голем број на виновници за неговото заминување од Барселона но не сака јавно да говори за тоа

Ето не го напушти Камп Ноу во најдобар однос со управата на Барселона, откако ова лето беше дел од трансферот на Златан Ибрахимович.

Дека односот помеѓи Камерунецот и Барса не е најдобар иако Ето долги години беше важен дел од тимот и помогна во освојување на многу трофеи, говори и фактот што Ето покрена судска постапка против својот поранешен клуб за исплата на компензација.

“Откако заминав од Барселона, решив да не говорам ништо бидејќи тоа може да се одрази врз перформансите на моите соиграчи бидејќи сакам да освојат се.” – рече Ето.

“Доколку кажам дека само двајца луѓе се виновни за моето заминување од Барселона, сите ќе ги посочат Хуан Лапорта и Пеп Гвардиола. Но не се само тие.”

“Има многу повеќе луѓе кои сакаа да заминам но нема да ги откривам.”

Ето за Барса вели дека е “најдобриот клуб во светот” и додава дека “јас го бранев дресот на Барса со гордост, чест и пред се со целото мое срце.”

Заминувањето од Бара со опиша како “многу тешко” и додаде дека претрпел “многу неправди.”

“Законот на фудбалот вели дека треба промена доколку вашите перформанси не се добри. Ќе го прифатев тоа доколку беше така, но моите перформанси беа ништо друго освен добри.”

Камерунецот одвојува три играчи како многу добри од неговиот период во Барса: “Играв со многу добри фудбалери но доколку треба да изберам некого тоа ќе биде Роналдињо, Андрес Ињеста и Лео Меси.”

“Роналдињо од тоа време беше многу импресивен.”

Powered by: 24 FUDBAL.com.mk