Иако срамниот пораз што го доживеа Реал Мадрид од третолигашот Алкоркон (4-0) е главна тема на медиумите ширум светот, денешниов ден е пособно драг за капитенот на Кралевите, Раул Гонзалез и заслужува да биде обележан.Пред 15 години Раул доби шанса да дебитира во дресот на Реал Мадрид на дуелот со Сарагоса.
Тогашното 17 годишно момче кое дојде од градскиот ривал Атлетико Мадрид, веќе во следното коло токму на дуелот со својот поранешен клуб покажа дека се работи за вонсериски фудбалер носејќи му победа на Реал.
Во изминативе 15 години Раул триумфираше шест пати во Ла Лига, освои три титули во Лигата на Шампионите, четири трофеи од Копа дел Реј, еден Европски Суперкуп и два Интернационални Купови.
“Мојата верност и посветеност на Реал Мадрид е иста како од првиот ден. Страдам кога губиме и се радувам кога победуваме.” – рече Раул.
“Сакам да победувам и да продолжам да победувам.”
Покрај одличниот успех на клубско ниво, Раул бележи и многу импресивни лични бројки и статистики.
Тој е прв стрелец на Шпанската фудбалска селекција со 44 погодоци, и најблиску до него е Давид Виља со 33 погодака.
Раул исто така е прв стрелец во Лигата на Шампионите со 66 погодоци зад свето име.
Капитенот има забележано 300 победи во дресот на Кралевите и е нивниот најдобар стрелец во Ла Лига со 226 погодоци односно десет повеќе од Ди Стефано.
Раул исто така е пред Ди Стефано, односно на првото место на листата на најдобар стрелец во историјата на Реал Мадрид.
Напаѓачот исто така има одиграно најмногу натпревари за Реал Мадрид во Ла Лига како и најмногу официјални натпревари за Реал Мадрид.
Раул Гонзалес, 15 години во дресот на Реал Мадрид
Powered by: 24 FUDBAL.com.mk
