Ултрасите на Лацио протестираа на тренинг кампот на клубот поради слабите резултати и незалагањето на одредени фудбалери во тимот.

Во интервју за интернет порталот goal.com еден од предводниците на Irriducibili ултрас групата, Џанлука Тироне ги објаснува причините за протестот.

"Повод за протестот се резултатите, кои не се позитивни, исто така и од однесувањето на некои фудбалери кое го покажуваат на теренот. Не ни се допаѓа тоа" - изјави Тироне за Goal.com Italia.

"Не го гледаме она што го очекувавме. Мислиме дека неопходно е да ги расчистиме работите бидејќи гледаме дека фудбалерите се однесуваат ладно кон нас".

"Ние секогаш сме ги поддржувале, но тие повеќе не прославуваат под нашата трибина заедно со нас, тоа се случуваше во минатото".

"Давиде Балардини го сопрел тренингот и имал конфронтација со тимот. Томазо Роки исто така се извинил па ние бевме задоволени".

"Сега останува да видиме што ќе се случи, очекуваме позитивни резултати во иднина".

Само еден ден пред протестот, селекторот на Англија, Фабио Капело ги посочи Ултрасите за едни од виновниците за лошите состојби во италијанскиот фудбал.

"Зошто Капело не ги кажа овие работи кога беше во Италија? Тој изгледа заборавил за Калчополи скандалот. Ултрасите немаа ништо со тоа".

"Можеби некои клубови им помагаат на фановите околу кореографијата на мечевите, но доколку тоа значи дека ние го контролираме италијанскиот фудбал, тогаш можете да кажете било што" - заврши фанот на Лацио.

Powered by: 24 FUDBAL.com.mk