Работнички ја прегази Ренова, Македонија Ѓорче Петров го победи Тетекс, Пелистер и Дрита одиграа без победник, немаше гол на натпреварот Скопје - Металург.

Попладнево беа одиграни првите натпревари од 1/4 финалето од Купот на Македонија.

Натпреварот кој се очекуваше дека ќе биде неизвесен и нијанси ќе одлучуваат кој ќе оди во 1/2 финалето, не се одвиваше така.

Работнички со високи 4-0 го прегази тимот на Ренова на стадионот Филип Втори.

Во вториот прволигашки дуел Македонија Ѓорче Петров ја искористи предноста на домашен терен и обезбеди солидна предност за реваншот.

Актуелниот шампион на Македонија, со 2-0 го победи гостинот од Тетово.

Пелистер важеше за фаворит во дуелот со Дрита но тоа не го покажа на првиот натпревар.

Во Битола натпреварот заврши без победник 2-2, задачата за Пелистер ќе биде далеку потешка во реванш натпреварот.

Соседското дерби помеѓу тимовите кои го делат стадионот во Автокоманда, Скопје и Металург заврши без голови.

Реванш натпреварите се играат на 25ти ноември.

Powered by: 24 FUDBAL.com.mk