Кике Санчез Флорес верува дека Атлетико Мадрид играле слабо до сега, но изјави дека можат да бидат меѓу најдобрите во Европа. Поранешниот тренер на Хетафе и Валенсија, се врати во шпанскиот фудбал по една година помината во Португалија на клупата на Бенфика и е уверен дека ќе ја сврти среќата на Атлетико Мадрид. Абел Ресино беше отпуштен минатата недела по поразот од Челзи, оставајќи ги со само една победа од 10 натпревари во сите конкуренции.

"Тука сме за да се поврземе со играчите и целта сега е да се рестартира тимот, кој има доволно елементи да биде меѓу најдобрите во Шпанија и Европа".

"Целта е да се поврземе со фановите, бидејќи тие имаат право да бидат среќни и да се поврзат со тимот."

"Се заблагодарувам на Атлетико Мадрид што покажаа доверба во мене и признавам дека едвај чекам да тренирам со тимот. Горд сум што припаѓам на оваа организација. Има многу работа што треба да се заврши, како што е кревање на моралот на играчите, кои се многу добри. Во овој тим барањата се големи и ќе се обидеме да ги исполниме тие барања, за навивачите да бидат среќни."

Санчез Флорес го имаше првиот тренинг во недела, ден откако тимот ремизираше против Мајорка.

"До сега го набљудував тимот. Забележав дека играчите се многу приемчиви, така што ќе има прогрес. Нема време за говори, туку повеќе време за работа на основните аспекти на тимот, ако што се физичкиот, тактичкиот и емотивниот пристап." 

Powered by: 24 FUDBAL.com.mk