Арсен Венгер денеска го прослави својот 60ти роденден, но и покрај тоа изјави дека нема намера да се пензионира.

"Не, не е својствено за мене да престанам. Ако еден ден прекинам, тогаш значи дека веќе не ми недостига фудбалот", изјави Венгер за официјалната страна на Арсенал.

"Едно од уживањата што ги имам е тренирањето и чувствувам дека имам усовршено многу различни делови од него. Кога започнав, бев сам. Бев тренер на голманите, кондиционен тренер, така што ја научив работата на начин на кој што би требало да ја научам."

"Мислам дека човекот е онаков каков што е уште од својат 20та година. Само со повеќе или помалку сила. Натпреварувањето ми е во гените. Понекогаш тоа е проблем, понекогаш е среќа, но тоа сум јас и само така работам."

Венгер исто така откри дека во неговата кариера научил дека најважниот квалитет во животот е дисциплината.

"Би рекол дека најголемата лекција што ја научив во животот е ригорозноста. Дисциплина, дисциплина, дисциплина. Научив дека никој нема доволно способност сам да живее од тоа сам. Не оди далеку и животот без работа не оди никаде."

"Се научив и на скромност. Понекогаш на 40. години мислиш дека се знаеш, но научив дека секој може да биде во право во фудбалот. Некој кој не е во оваа работа може да рече нешто комплетно глупо и може да биде во право." 

Powered by: 24 FUDBAL.com.mk