Деко вечерва доколку настапи на дуелот против Атлетико Мадрид ќе дојде до 100 натпревари во европските натпреварувања.

Португалскиот репрезентативец, Деко е еден од фудбалерите со најголемо искуство во европските натпреварувања.

Со Порто го освои Купот на УЕФА и Лигата на Шампионите која подоцна ја освои и со Барселона.

Вечерва Челзи го пречекува Атлетико Мадрид, Деко одигра цел натпревар против Астон Вила па се очекува да настапи и денеска на дуелот од Лигата на Шампионите.

"Би било добро да дојдам до 100 натпревари, имав среќа тоа време, бидејќи кога бев во Порто игравме добро секоја година, игравме во финалињата, и во Лигата на Шампионите и во Купот на УЕФА, тоа беше нешто посебно, беше многу добро" - изјави Деко за сајтот на Челзи.

Посебно драматично беше финалето од Купот на УЕФА, во кое по продолженијата Порто го совлада Селтик со 3-2, освен Деко дел од тој тим беа и Рикардо Карваљо и Паоло Фереира.

"Финалето од Купот на УЕФА со Порто беше фантастично. Натпреварот беше луд, одличен, неверојатен".

"Тие имаа фантастичен тим со Хенрик Ларсон и многу други добри фудбалери, можеби трите финалиња се најсветли моменти во мојот период, но исто и натпреварите за Барселона против Челзи беа едни од најдобрите натпревари на кои се сеќавам".

"Тие беа големи натпревари, имаше многу голови, атмосферата беша фантастична, тие беа посебни, но и финалињата ми се големи спомени".

"Сепак јас сеуште сум гладен за трофеи. Кога еднаш ќе освоите, сакате тоа да го направите повторно".

"Да се биде шампион е најдобрата работа за еден фудбалер и ова е најдобар трофеј кој може да се освои. Би било фантастично да бидам освојувач на Лигата на Шампионите со Челзи" - заврши Деко.

Powered by: 24 FUDBAL.com.mk