Севиља победи на гостувањето во Штутгарт, Униреа го изненади тимот на Глазгов Ренџерс совладувајќи го убедливо на негов терен.

Севиља одигра одличен натпревар во Штутгарт и дојде до трите бода победувајќи со 3-1.

По 23 минути игра Скилачи го отвори натпреварот и донесе водство на Севиља од 1-0.

Навас во 55та минута зголеми на 2-0, а Скилачи во 72та постигнувајќи го својот втор гол носи недостижна предност за гостите од 3-0.

Две минути подоцна Штутгарт преку Елсон успеа само да постигне почесен гол.

Интересен натпревар со дури три автогола одиграа Ренџерс и Униреа, гостите направија изненадување победувајќи со убедливи 4-1 во Глазгов.

Рикардо уште во 2та минута си постигна автогол за водство на Ренџерс од 1-0.

Во 32та минута Биласко ја тресе мрежата на домаќините за израмнување на 1-1.

Шест минути подоцна Ренџерс имаа фантастична шанса да го вратат водството, но Дејвис не реализираше удар од белата точка.

Во 49та минута Лафети си постигна автогол за водство на Униреа од 2-1, десет минути подоцна и МекКалоч ја тресе за сопствената мрежа за предност на Романците од 3-1.

Победата ја завери Брандан во 65та минута поставувајќи ги конечните 4-1.

Powered by: 24 FUDBAL.com.mk