Челзи во саботата го доживеа вториот пораз оваа сезона откако загуби на гостувањето кај Астон Вила со 2-1.

Но, Рикардо Карваљо е уверен дека Челзи повторно ќе им се врати на победите почнувајќи од дуелот против Атлетико Мадрид во Лигата на Шампионите.

"Примивме два гола од две корни но мислам дека ние креиравме повеќе шанси за гол и требаше да постигнеме повеќе погодоци и да дојдеме до подобар резултат" - вели Карваљо.

"Секогаш е тешко да се игра на гостински терен, особено по натпревар за националниот тим".

"Астон Вила е добар тим, но на тој натпревар мислам дека ние бевме подобриот тим".

"Сега мора да се одмориме, да се подготвиме и да размислуваме за натпреварот со Атлетико Мадрид бидејќи ние сакаме да се квалификуваме во следната фаза колку што е можно побрзо, за потоа да можеме да се сконцентираме само на Премиер лигата" - заврши Карваљо.

Powered by: 24 FUDBAL.com.mk