Лига на Шампиони | Јирген Клоп вели дека првиот натпревар не одлучил ништо, резултатот ја става Борусија Дортмунд во подобра позиција, но патникот во 1/4 финалето е далеку од решен...

Вечерва Борусија Дортмунд го пречекува Шахтјор во реванш 1/8 финален натпревар од Лигата на Шампионите, дуелот во Доњецк заврши без победник 2-2.
 
„Прочитав дека ќе било катастрофа доколку не поминеме понатаму, тоа е многу грубо кажано. Имаме голема можност да завршиме на второто место во Бундеслигата, за такво нешто не можевме ни да сонуваме пред три години" - вели Клоп.
 
„Ова е многу, многу важен натпревар за нас бидејќи овој тим има шанса да достигне нешто ново, 1/4 финале во Лигата на Шампионите".
 
„Ќе биде тешко и за двата тима. Во првиот натпревар видовме дека и двете екипи имаат висок квалитет. Првиот дуел не одлучи ништо".
 
„Нашата позиција можеби е подобра, но ништо повеќе од тоа. Не се грижам за тоа дали ќе направиме грешки. Не постои таква работа во фудбалот, натпревар без грешки. Треба да одиграте добро, па грешките да не се одразат на резултатот".
 
„Луческу не следеше против Баерн Минхен, ние бевме доволно паметни да не му покажеме се што можеме. Можеби ќе можеме да го изненадиме покажувајќи му повеќе отколку на дуелот со Баерн. треба да го направиме тоа".