Лига на Шампиони | Тренерот на Шахтјор, Мирчеа Луческу верува дека победникот од дуелот со Борусија Дортмунд ќе игра во финалето од Лигата на Шампионите...

Шахтјор ќе има тешка мисија да ја помине Борусија Дортмунд во 1/8 финалето откако натпреварот во Доњецк заврши нерешено 2-2.
 
„Ги следев последните натпревари на Борусија Дортмунд, бев на нивниот натпревар против Баерн. Во првото полувреме играа на контра напади, но во второто беа активни и играа понапаѓачки" - вели Мирчеа Луческу.
 
„Мислам дека сме добро подготвени иако Борусија Дортмунд е многу силен тим. Тие доаѓаат од група со Ајакс, Реал Мадрид и Манчестер Сити и против сите овие тимови креираа по шест-седум чисти шанси на домашен терен".
 
„Во првиот натпревар профитираа од наши грешки. Дортмунд можеби ќе биде во подобра физичка форма. Играат на највиско ниво, со вертикални или хоризонтални пасови, ниски и високи топки. Мојот тим ќе се обиде да го намали бројот на грешки и да не му дава подароци на противникот".
 
„Дортмунд поддржан од своите фанови ќе нападне. Нашата дефанзива ќе биде под притисок".
 
„Тимот кој ќе помине, сигурен сум дека ќе се пласира во финалето од Лигата на Шампионите. Клоп е одличен тренер, светска класа. Тој го предводеше овој тим до две учества по ред во Лигата на Шампионите и знае како да развива млади фудбалери.