МЕНИ

Спортскиот директор на Реал Мадрид, Хорке Валдано вели дека тие никогаш не го контактирале Жозе Мурињо за превземање на кормилото на Сантијаго Бернабе

Валдано, кој се врати во Реал заедно со Флорентино Перез и ја извршува улогата на генералне менаџер во интервју за Corriere dello Sport негираше дека Кралевите посакувале Жозе Мурињо да го предводи новиот ’Галактикос’ тим.

Тој исто така проговори и за дуелот против Милан, со кого Реал има блиски односи и летоска успеаа да го договорот трансферот на Кака, кој стана првото големо засилување на Флорентино Перез.

“Дуелот со Милан во Лигата на Шампионите ќе биде извонреден. Се среќаваат два гиганти со одлична историја во ова Европско натпреварување.” – рече Валдано.

“Милан е во тежок период? Во фудбалот секогаш има циклуси, периоди во кој се победува и сезони кои се помалку задоволувачки.”

“Милан во моментов поминува низ тежок период но тие остануваат голем клуб.”

“Кака? Тој е извонреден фудбалер и привилегија ни е што тој игра во Реал Мадрид.”

“Целата трансфер зделка помина лесно благодарејќи на добрите односи на Флорентино Перез и Галиани. Горди сме што го имаме Кака.”

“Снајдер? Снајдер е многу добар фудбалер, но тој на Интер му беше многу повеќе потребен отколку на нас. Моравме да се откажеме од некои играчи бидејќи веќе ангажиравме осум фудбалери.”

“Дали Жозе Мурињо беше наша цел? НЕ. Со Флорентино имавме на ум двајца тренери – Пелегрини и Арсен Венгер.”