Евертон потврди дека ФИФА дала дозвола Фелаини да настапи на дуелот против Вулверхемптон откако белгиската асоцијација поднесе жалба.

Настапот на Фелаини за натпреварот против Волвс беше неизвесен откако Белгиската федерација поднесе барање до ФИФА за суспензија на фудбалерот.

Фелаини играше во саботата за Белгија на натпреварот против Турција, но не настапи и во средата против Естонија со цел да биде подложен на операција за отстранување на умникот.

Фелаини тврдеше дека има договор со селекторот Дик Адвокат, но федерацијата не се сложи.

Сепак одлуката на ФИФА го ослободи Фелаини од обвинувањата од страна на федерацијата и тој ќе може да настапи викендот за својот тим.

Евертон со задоволство на официјалната страна ја потврди одлуката на ФИФА да не превземе мерки против Фелаини. 

Powered by: 24 FUDBAL.com.mk