Спортскиот директор на Фиорентина, Пантале Корвино нагласи дека нивната млада ѕвезда, Стеван Јоветиќ нема да замине од Фриули

 Интернационалецот од Црна Гора важеше за голем талент уште пред да дојде во Фиорентина но тој блесна на Европската и светската фудбалска сцена оваа сезона.

Младиот напаѓач во неколку наврати се покажа како клучен играч во победите на Фиорентина, особено значајни беа двата погодоци за триумф над Ливерпул во Лигата на Шампионите.

Сите гиганти од Европа сега го обновуваат интересот за Јоветиќ, и вчера агнетот на напаѓачот изјави дека цената на неговиот клиент изнесува 25 милиони евра.

Но Корвино, кој победи екипи од типот на Реал Мадрид и Манчестер Јунајтед, во битката за потписот на Јоветиќ, вели дека Црногорецот ќе остане во Фиренца уште многу долго.

“Тоа што стигнавме први до услугите на Јоветиќ е голема сатисфакција за нас.” – рече Корвино за Tuttosport.

“Дали ќе го задржам Јоветиќ? Да, бидејќи нема многу играчи од негов тип во светот на фудбалот.”

“Тој има чувства и кога ќе пристигне моментот, нема да го разочараме.”

Powered by: 24 FUDBAL.com.mk