Кристијано Роналдо на своите соиграчи од Портгуалската селекција им испрати порака со желба за триумф на дуелот против Малта и останување во игра за завршницата од СП 2010
Роналдо се повреди на дуелот против Унгарија во саботата и сега ќе мора да отсуствува околу еден месец.
Португалската Фудбалска Федерација посакуваше играчот да остане со нив и за дуелот против Малта и да ги бодри своите соиграчи, но Реал инсистираше поранешниот играч на Манчестер Јунајтед да се врати на Бернабе.
Во пресрет на клучниот дуел за квалификација на СП 2010, Роналдо преку соопштение на официјалната веб страна на Реал Мадрид испрати порака до своите соигрчи од националниот тим.
“Посакував со целото мое срце да се борам за Португалија заедно со вас, но како што знаете повредата ме спречи во тоа.”
“Вашиот голем предизвик оваа вечер ќе биде да одиграте одличен натпревар и да ја однесете Португалија на Светскиот Шампионат во Јужна Африка; мојата е да се опоравам што е можно поскоро и да му помогнам на мојот тим, Реал Мадрид и нашиот национален состав да ги остварат целите што ги имаат поставено.”
“Морам напорно да работам за да се опоравам бидејќи верувам дека тоа е најдобриот начин да му помогнам на националниот тим кога тоа ќе биде потребно.”
“Сакам да знаете дека моето срце ќе биде со вас секоја минува од вечерашниот натпревар и ќе бидам горд на вашите напори, како и секој што ќе биде во Португалија.”
Powered by: 24 FUDBAL.com.mk
