Јасна е желбата на Горан Пандев да ја промени клубската средина, неговото име постојано се споменува со некои од големите европски клубови.

Претседателот на Лацио, Клаудио Лотито е свесен дека доколку во зимскиот преоден рок не го продаде Пандев, нема да заработи ни евро од неговото заминување.

"Во моментов трансфер пазарот е затворен па не можеме вистински да зборуваме за тоа" - изјави Лотито.

"Кога пазарот ќе се отвори ние ќе бидеме среќни да ги разгледаме опциите за негово заминување".

"Лацио ќе ја прифати секоја понуда која ќе ги задоволи нашите и барањата на фудбалерот".

"Како и да е, прерано е да се зборува за оштетата за која би заминал. Ќе треба да дискутираме и ќе видиме" - заврши Лотито.

Интер е клубот кој најчесто се споменува како следна дестинација на Пандев, но и Јувентус и Ливерпул се интересираат за нашиот најдобар фудбалер.

Powered by: 24 FUDBAL.com.mk