Останато | Златан Ибрахимовиќ вели дека ѕвездата на Барселона, Лео Меси во овој момент е најдобриот фудбалер на светот...

Ибра, кој една година играше покрај Меси на Камп Ноу, утре ќе се сретне со Аргентинецот на пријателскиот натпревар помеѓу Шведска и ’Гаучосите’.
 
Напаѓачот на ПСЖ има само пофални зборови за ѕвездата на ’Каталонците’, и на денешната прес конференција рече дека Лео Меси во овој момент е најдобриот фудбалер во светот.
 
„Лео е фантастичен играч” – рече Ибрахимовиќ.
 
„На индивидуално ниво, веројатно тој е најдобриот фудбалер во светот, затоа ги освојува сите награди”.
 
Ибрахимовиќ, кој се мачи со ситна повреда и ќе одигра само 45 минути, вели дека утрешниот натпревар е од поголема важност за Аргентина.
 
„Верувам дека овој натпревар е многу поважен за нив отколку за нас”.
 
„Тие имаат огромен број на квалитетни фудбалери кои се борат за место во тимот”.