Франција | Тренерот на ПСЖ, Карло Анчелоти вели дека годините не се пречка за успех потсетувајќи дека Паоло Малдини со 39 години ја освои Лигата на Шампионите со Милан во 2007...

Дејвид Бекам е новото засилување на ПСЖ, Англичанецот со 37 години потпиша за францускиот тим, а во мај полни 38.
 
Анчелоти смета дека годините не се важни во фудбалот, најважно е играчот да биде во добра кондиција.
 
„Точно е дека тој има 37 години но уште е фудбалер" - вели Анчелоти.
 
„Се сеќавам на фудбалер кој ја освои Лигата на Шампионите на 39 годишна возраст, неговото име е Малдини".
 
„Бекам сеуште има мотивација и одлична физичка кондиција, немал многу повреди во кариерата".
 
„Тој е еден од најсериозните и најпрофесионални фудбалери кои ги знам".
 
Бекам потпиша пет месечен договор со ПСЖ, но со можност да биде продолжен.