Шпанија | Каталонците соопштија дека Лео Меси во четврток ќе стави потпис на нов договор со трајност до 30. јуни 2018...

Барселона во декември минатата година откри дека постигнале согласност за продолжување на соработката со Карлес Пујол, Чави Ернандез и Лео Меси.
 
Пујол и Чави веќе ставија потпис на новите договори, а истото сега ќе го стори и Лео Меси.
 
Аргентинецот во моментов е со селекцијата на ’Гаучосите’ во Стокхолм, за утрешниот пријателски натпревар со Шведска.
 
Откако ќе се врати во Барселона, Лео Меси во четврток, во 16:30 во клубските простории ќе стави потпис на новиот договор, и ќе се обврзе кон ’Каталонците’ до 30. јуни 2018.