Шпанија | По серијата од четири последователни порази, Мајорка се одлучи да му врачи отказ на тренерот Жоакин Капарош...

Мајорка игра во очајна форма и се наоѓа во зоната за испаѓање во Примера.

Раководството на клубот реши да го отпушти тренерот Жоакин Капарош и да тргне во потрага по нов предводник на тимот.

„Во потрага сме по нов тренер, но сеуште немаме име. Не сакаме да брзаме, ова е важна одлука и има уште 48 бода во игра до крајот на сезоната" - изјави претседателот на клубот, Љорен Ферер.

„Имам голема почит кон Капарош. Знам дека отпуштивме голем тренер".

„Зборувавме многу за актуелната ситуација во тимот и дојдовме до заклучок дека ни е потребен нов човек кој ќе го крене тимот за преостанатиот дел од сезоната и да ја постигне нашата цел, да останеме во Примера".

„Би сакал да му се заблагодарам на Жоакин и неговиот стручен штаб за посветеноста, работата и желбата со која работеа во овој клуб".