Извршниот директор, Иван Газидис вели дека управата на Топџиите очекува Арсенал оваа сезона да стави крај на долгиот период без трофеј

Топџиите не успеаа да освојат трофеј по триумфот во ФА Купот во 2005.

Од тогаш па наваму, Арсенал во неколку наврати беше блиску до освојување на трофеј, но тимот на Арсен Венгер не успеа да го донесе многу посакуваниот успех што резултираше со пораст на фрустрациите кај дел од фановите.

Венгер има млад тим кој игра еден од најубавиот фудбал во Европа, но тие повеќе не можат да играат на картата дека е потребно тимот да созрее и извршниот директор на Арсенал, Иван Газидис го предупреди стратегот дека тие веќе не можат да прифатат да бидат ’само вторито најдобар’ тим.

“Освојувањето на трофеј оваа година, апсолутно е нашата амбиција.” – рече Газидис за Daily Star Sunday.

“Второ, трето или четврто место не е доволно добро. Сакаме да освоиме нешто оваа сезона и верувам дека го имам потребниот состав за тоа.”

“Изградивме и развивме тим кој игра фантастичен фудбал. Убаво е да се гледа тимот како игра и во одредени моменти е многу возбудливо.”

“Разговаравме околу потенцијалот на групата. Сега, и под сега мислам оваа сезона, е многу важно да се фокусираме на освојување нешто за фановите. Тие го заслужуваат тоа.”

“Можеме да зборуваме за фудбалот како бизнис, но во основа, клубот постои за фановите и тие не се грижат за финансискиот извештај, тие се интересираат за она што се случува на теренот.”

Powered by: 24 FUDBAL.com.mk