Португалскиот интернационалец вели дека сите во Реал Мадрид се како едно големо семејство и сака да ја заврши кариерата на Сантијаго Бернабе

Роналдо ова лето конечно го оствари својот сон и се пресели на Сантијаго Бернабе во трансфер вреден 80 милиони фунти (94 милиони евра) со што стана најскапиот фудбалер во историјата.

“Оној што не го познава Реал Мадрид, не може да замисли како е таму. Сакам да ја завршам кариерата во овој клуб.” – рече Кристијано Роналдо.

“Реал Мадрид е една голема фамилија. Ветераните во соблекувалната, Раул, Гути и Касиљас ми помогнаа многу за да се прилагодам што е можно побрзо. Тие се фантастични.”

“Исто така сум многу добар пријател со Кака, Марсело и Пепе бидејќи зборуваме ист јазик и тоа помага многу.”

Роналдо, кој го пропушти последниот дуел против Севиља за својот клуб, денеска во целост го одработи тренингот на Португалскито национален тим и ќе биде подготвен за утрешниот клучен дуел со Унгарија во квалификациите за СП 2010.

“Ќе бидам подготвен за утрешниот натпревар и тој по него.” – заврши Роналдо.

Powered by: 24 FUDBAL.com.mk