Италија | Весли Снајдер открива дека побарал совет од Жозе Мурињо и Луис ван Гал пред да донесе одлука за трансфер во Галатасарај...

28-годишниот Снајдер синоќа во Истамбул беше дочекан како херој откако го комплетираше трансферот од Интер во Галатасарај.
 
Холандскиот фудбалер открива дека зборувал со своите двајца поранешни тренери, Жозе Мурињо и Луис ван Гал пред да ја донесе конечната одлука.
 
„Бев многу добро информиран од сите страни, многу добро информиран" - вели Снајдер за De Telegraaf.
 
„Им се јавив на Жозе Мурињо и Луис ван Гал бидејќи тие се клучните фигури во мојата фудбалска кариера и нивното мислење ми е важно".
 
„Двајцата ми одговорија исто: направи го тоа".
 
„Тие ми го дадоа финалниот поттик, знаејќи во каков раст е турскиот фудбал".