Овен беше заменет во првото полувреме на натпреварот против Волзбург од Лигата на Шампионите откако ги повреди препоните.

Тој поради повредата не беше во составот на Јунајтед на натпреварот против Сандерленд кој заврши 2-2.

Сега Овен има две недели поради репрезентативниот фудбал кои добро ќе му дојдат да се подготви за дуелот против Болтон.

Но за него од посебно значење ќе биде натпреварот кој Јунајтед го играат по дуелот против Болтон, односно гостувањето кај Ливерпул на Енфилд.

Мајкл Овен гостувал на Енфилд но како фудбалер на Њукасл, сепак играње во дресот на Јунајтед во Ливерпул ќе биде сосема поинакво искуство за поранешниот миленик на навивачите на Црвените.

"Ќе биде поинакво, сум се вратил на Енфилд со Њукасл неколку пати, па сум играл таму за противничкиот тим. Но секако позитивно гледам на овој натпревар" - вели Овен.

"Како и обично натпреварот помеѓу Јунајтед и Ливерпул ќе биде натпревар помеѓу два од најдобрите светски тима".

"Двата тима се поизедначени за разлика од тогаш кога играв со Њукасл, па очекувам добар натпревар и возбудлив ден".

"Сеуште е рано во сезоната но не сакате да губите и да не освојувате бодови. Сите тимови се причилно цврсти и блиску сме на врвот, па сеуште сите имаат шанси" - заврши Овен.

Powered by: 24 FUDBAL.com.mk