Аргентинскиот интернационалец е една од желбите на Масимо Морати, иако претседателот на Интер знае дека е многу тежко да стигне до услугите на Меси, особено сега откако играчот стави потпис на нов договор во кој има откупна клаузула од 250 милиони евра.

Луис Фиго, кој во минатото настапуваше и за Барселона и за Интер мисли дека Меси во моментов е најдобриот играч во светот и посакува да го види Аргентинецот во дресот на Нероаѕурите.

“Лионел е најдобар фудбалер во светот, тоа е несомнено.” – рече Фиго за Corriere dello Sport.

“Неговата тимска игра е многу посилна отколку минатата година. Мојот сон е да го видам Меси во дресот на Интер.”

За сегашниот тим на Интер, Фиго додаде: “Интер повеќе не е тим што зависи од Златан Ибрахимович. Навистина ми се допаѓа Самуел Ето. Го познавам Ето уште од времето кога бев во Реал Мадрид.”

“Имавме три фантастични години со Златан, и тој му даде многу на Интер. Но со него во тимот, Нероаѕурите премногу се потпираа на неговите квалитети, сега не е така.”

“Исто така мислам дека луѓето треба да зборуваат со Марио Балотели. Потребно е тој да работи напорно и да ги слуша советите на Жозе Мурињо.”

Powered by: 24 FUDBAL.com.mk