Англија | Фановите на ВБА го избраа македонскиот репрезентативец Горан Попов за најдобар фудбалер во месец декември...

Левиот бек минатиот месец прикажа добри игри, и во два наврати го понесе епитетот играч на натпреварот – на дуелите со Вест Хем и Норич.
 
Горан Попов, кој за кратко време стана миленк на публиката, за импресивните перформанси доби признание од фановите на ВБА, кои го прогласија македонскиот репрезентативец за најдобар фудбалер во месец декември.
 
„Секако дека сум среќен што стигнав до оваа награда” – рече Попов.
 
„Убаво е тоа што фановите одвоиле време за да гласаат за мене, и добро е тоа што покажуваат дека им се допаѓам како фудбалер”.
 
„Тука сум само пет месеци, а тие одлучија дека минатиот месец сум бил најдобар играч”.
 
„Прв пат освојувам ваква награда, се надевам дека нема да биде последен пат”.
 
„Сакам да им се заблагодарам на фановите, и на сите оние што гласаа за мене”.
 
Попов, кој заработи повреда на дуелот со КПР на Боксинг Деј, оваа недела започна да тренира со преостанатиот дел од тимот, и е подготвен за враќање на терените.
 
„Вчера тренирав со играчите откако работев напорно со физиотерапефтот минатата недела. Се надевам дека ќе играм во сабота” – додаде Македонецот.