Италија | Тренерот на Наполи, Валтер Мацари е отворен за предизвикот да работи со проблематичниот Марио Балотели...

Неодамна, претседателот на ’Наполитанците’, Аурелио Де Лаурентис откри дека сонува да го види Марио Балотели во нападот на Наполи покрај Единсон Кавани.
 
На оваа тема проговори и тренерот на Наполи, Валтер Мацари, кој е отворен за соработка со ’Супер Марио’.
 
51 годишниот стратег вели дека работењето со италијанскиот репрезентативец е предизвик кој сака да го искуси.
 
„Балотели? Не го познавам лично, имам разговарано со него само еднаш пред две години” – рече Мацари во интервју за RMC.
 
„Ми остави добра импресија, но само оние кои тренираат со него знаат какви проблеми може тој да креира”.
 
„Сепак, јас имам определено искуство, и предизвик е да се работи со талент како него. Но не нзнам како ќе заврши една таква авантура”.