Англија | Талентираниот фудбалер на Манчестер Јунајтед, Анџело Енрикез до крајот на сезоната ќе го носи дресот на Виган како позајмен фудбалер...

18 годишниот репрезентативец на Чиле, летоска пристигна во Манчестер Јунајтед од Универсидад де Чиле.
 
Поради големата конкуренција за место во навалната линија на Олд Трафорд, ’Црвените Ѓаволи’ решија да го испратат Анџело Енрикез на позајмица во Виган до крајот на сезоната.
 
Менаџерот на Виган, Роберто Мартинез рече: „Навистина сме возбудени од пристигнувањето на Анџело, се работи за млад фудбалер со огромен потенцијал”.
 
„Тој е голгетер со интелегентни движења во шеснаесетникот, и беше прилично успешен во неговиот поранешен клуб Универсидад”.
 
„Се надевам дека ќе му овозможиме на Анџело да забележи прогрес и да се навикне на барањата на Премиерлигата”.
 
Самиот Енрикез рече: „Ова е фантастична можност за мене и навистина сум среќен што ми се укажа ваква шанса за докажување”.
 
„Сега треба да работам напорно и да се обидам да се изборам за место во тимот”.
 
Енрикез е второто засилување за Виган во зимскиот преоден рок, тимот од ДВ стадионот претходно се засили со Роџер Еспиноза, кој сеуште чека работна дозвола.