Италија | Капитенот на Интер, Хавиер Занети вели дека сака и следната сезона да го носи дресот на Нероазурите...

Хавиер Занети е еден од најстарите фудбалери кои играат на највисоко ниво, во август ќе наполни 40 години.

Аргентинецот кој во Интер е од 1995 година и сеуште е еден од најважните фудбалери во тимот, вели дека сака и следната сезона да биде активен играч.

„Мојата намера е да играм уште една сезона, мислам дека така размислува и Интер, се' оди во таа насока" - изјави Занети за Gazzetta dello Sport.

„40 се многу години но и не толку многу доколку сеуште се чувствувате добро и сеуште сте корисен за тимот".

„Мојата иднина во Интер? Што и да правам, сакам да останам колку што е можно поблиску до тимот, потоа можеби и да го претставувам клубот на специјални настани".

Занети беше запрашан што мисли за можноста Марио Балотели да се врати во Интер.

„Никој не ги доведува во прашање квалитетите на Марио, но мислам дека неговото однесување не се промени многу откако го напушти Интер".

„Очигледно е дека тоа не зависеше од нас не знам дали уште ќе можете да велите дека тој беше неразбран тука и не му беше помогнато".