Англија | Сер Алекс Фергусон има само пофалби за напаѓачкото дуо на Манчестер Јунајтед, Робин ван Перси и Хавиер Ернандез...

Ван Перси и Чичарито со по два постигнати гола синоќа му ја донесоа победата на Јунајтед од 4-0 на гостувањето кај Виган.

Холанѓанецот се покажува како фантастично засилување за Манчестер Јунајтед, а Ернандез полека ја враќа најдобрата форма.

„Знаевме дека во Ван Перси добиваме врвен фудбалер кој ќе ја прави разликата. Токму затоа дојде тука" - вели Ферги.

„Робин е комплетен фудбалер, има големо репрезентативно искуство, играше за Арсенал седум години и за нас доаѓа во врвот на неговата кариера".

„Неговата можност за асистенции и голови е фантастична. Неговиот прв гол на дуелот со Виган беше навистина многу добар".

Хавиер Ернандез дојде до бројката од 12 погодоци оваа сезона во сите натпреварувања, само осум помалку од неговата најдобра сезона во Англија.

„Откако е дојден тука, Хавиер покажува дека е фантастичен фудбалер во шеснаесетникот на противникот. Страшен е".