МЕНИ

Последните шпекулации кои се поврзани со интернационалецот на Македонија говорат дека Рафа Банитез планира да го ангажира Пандев доколку Бабел замине од Ливерпул

Македонскиот интернационалец во моментов се наоѓа во судски спор со Лацио во обид да издејствува раскин на договорот.

Пандев се реши на еден ваков чекор откако летоска побара да биде продаден и одби да го продолжи договорот.

Клаудио Лотито тогаш постави превисока цена од околу 18 милиони евра со што ги одврати сите заинтересирани клубови па Пандев беше приморан да остане во Рим.

Но поради покажување нелојалност, Пандев не е дел од плановите на Балардини и до сега нема одиграно ниту една минута.

Во исчекување на резултатите од судскиот спор се поголем број на екипи се приклучуваат во битката за Горан Пандев.

Интер, Јувентус, Фиорентина и Наполи се четирите клуба од Серија А кој постојано ја следат ситуацијата на Македонецот и се подготвени да го ангажираат напаѓачот во јануари без разлика дали Панде ќе издејствува раскинување или пак не.

Последните информации од Италија говорат дека и екипата на Ливерпул е сериозен кандидат за услугите на Пандев.

Бенитез го има тартегирано напаѓачот како замена за Рајан Бабел доколку Холанѓанецот реши да замине од Енфилд во јануари со цел да игра регуларно во пресрет на СП 2010.

Се шпекулира дека Црвените се подготвени да одвојат околу 7 милиони евра со цел да ја победат конкуренцијата од Италија.