Англија | Привремениот менаџер на Челзи, Рафаел Бенитез негира дека сопственикот на клубот, рускиот тајкун Роман Абрамович сака да ја копира Барселона...

По серијата лоши резултати, ’Сините’ минатата недела решија да му врачат отказ на менаџерот Роберто Ди Матео.
 
На негово место беше назначен Рафаел Бенитез, кој доби договор само до крајот на сезоната.
 
Ваквиот потег ги подгреа шпекулациите за желбата на Роман Абрамович следното лето да го ангажира поранешниот тренер на Барселона, Пеп Гвардиола.
 
Добро е познато дека милијардерот од Русија сака неговиот Челзи да игра како ’Барселона во сини дресови’.
 
Сепак, Рафа Бенитез вели дека Роман Абрамович не сака да ги копира “Каталонците’, сопственикот на Челзи едноставно сака неговиот тим да игра убав фудбал.
 
„Роман вели дека сака да види како тимот игра убаво, но не со стилот на Барса” – рече Бенитез.
 
„Знае дека ги немаме Лео Меси, Андрес Иниеста и Чави Ернандез, играчи кои се заедно долги години. Имаме поинаков тип на фудбалери”.
 
„Па знае дека е потребно да се адаптираме и да се обидеме да играме убав фудбал со играчите кои во овој момент ги имаме на располагање.“
 
„Мислам дека во исто време можеме да играме офанзивен и дефанзивен фудбал. Потребно е да го пронајдеме балансот”.
 
„Во нападот имаме талентирани фудбалери.“
 
„Потребно е да одиграме добро во одбрана и да им ја дадеме топката на офанзивните фудбалери за тие да креираат, и токму ова е е главното прашање во овој момент“.
 
„Потребно е да им дадеме слобода во играта за тие да го прикажат најдоброто од себе, но во исто време потребно е да бидеме организирани како тим”.
 
„Сопственикот знае дека е потребно време за сето ова да се среди, исто така знае дека можеме да го оствариме ова”.