Италија | Тренерот на Реал Мадрид, Жозе Мурињо останува еден од најголемите фанови на Интер, Португалецот открива дека во неколку наврати плачел по заминувањето од Џузепе Меаца...

’Специјалниот’, кој две години седеше на кормилото на Интер, во 2010 успеа на ’Нероаѕурите’ да им ја донесе историската тројна круна, односно триумф во Лигата на Шампионите, Серија А и Купот на Италија.
 
Веднаш по ваквиот успех, Жозе Мурињо замине од Џузепе Меаца и седна на тренерското столче на Реал Мадрид.
 
„Зошто заминав од Интер? И јас понекогаш си го поставувам истото прашање” – рече Мурињо.
 
„Реал по трет пат ми понуди шанса да седнам на тренерското столче на Бернабеу”.
 
„Моите пријатели ми рекоа: „Можеше да бидеш голем тренер, но доколку не освоиш титула со Реал Мадрид, тоа ќе остави голема дупка во твојата кариера“. Успех со Реал Мадрид обезбедува место во историјата”.
 
„Разговарав со Флорентино Перез и се преселив во Реал. Сепак, моето срце останува ’Нероаѕуро’”.
 
Португалецот потоа додаде: „Интер е клубот каде посакував да останам подолго. На ниту едно друго место не бев толку среќен”.
 
„Интер е едно големо семејство, и јас секогаш ќе припаѓам на тоа семејство”.
 
„Кога заминав, плачев во неколку наврати”.
 
„Моето срце е во Милано, имам голема носталгија за Интер”.
 
„Славам кога Интер победува, страдам кога тие губат”.