Англија | Менаџерот на ВБА, Стив Кларк добил смс порака од Жозе Мурињо со честитки за одличниот старт во новата сезона...

Тимот на нашиот Горан Попов игра одлично, ВБА е најпријатното изненадување во Премиерлигата и во моментов се наоѓа на третата позиција на табелата.
 
Под водство на Стив Кларк, ВБА го забележа најдобриот старт во сезоната од 1953 па наваму.
 
49 годишниот стратег од Шкотска во пресрет на гостувањето кај Свонси, откри дека добил честитки од неговиот поранешен ментор, Жозе Мурињо.
 
Стив Кларк, кој му беше десна рака на ’Специјалниот’ од 2004 до 2007 на Стемфорд Бриџ, за медиумите од Англија рече: „Ми рече да продолжам во ист стил, ме охрабри и ми укажа поддршка”.
 
„Сепак, се работи за приватна смс порака, па преостанатиот дел ќе остане помеѓу мене и Жозе”.