Италија | Според пишувањата на медиумите, Интер и ПСЖ би можеле да ги трампаат Весли Снајдер и Хавиер Пасторе во зимскиот преоден рок...

Весли Снајдер со годишна плата од 6 милиони евра е најплатениот фудбалер на Џузепе Меаца, па Интер се обидува да го убеди фудбалерот да прифати нов договор со драстично помала плата.
 
Сепак, Холанѓанецот во овој момент одбива да го стори тоа, и се говори дека ’Нероаѕурите’ ќе го продадат Снајдер во зимскиот преоден рок, доколку иуграчот не прифати пониски примања.
 
Последните шпекулации на медиумите од Франција и Италија велат дека интерес за Снајдер пројавува и ПСЖ.
 
Извештаите велат дека Карло Анчелоти е голем фан на играта на Холанѓанецот, па ’Светците’ се подготвени да го понудат Хавиер Пасторе со цел да стигнат до услугите на Весли Снајдер.
 
Како уште една опција се споменува трансфер на плејмејкерот во Манчестер Јунајтед, а како дел од зделката, Нани би се пресели на Џузепе Меаца.
 
Медиумите шпекулираат и со преселба на Весли Снајдер во Милан, во замена за Кевин Принц Боатенг, но една ваква зделка е малку веројатна.