Откако во април ја стави својата кариера под знак прашалник и го раскина договорот со Интер, Адри подоцна се врати на фудбалот во дресот на Фламенго.

Бразилецот во родната земја успеа да ја врати насмевката на своето лице и да ја врати кариерата на вистински пат во Фламенго.

И самиот клуб има голема корист од играчот а според написите на тамошните медиуми Фламенго нема само корист од спортски аспект туку и од финансиски аспект.

Покрај тоа што Адри постигна 13 погодоци и уште неколку асистенции, Globo вели дека дресот со бројот 10 и презимето на Адри многу брзо се празни од полиците во продавниците.

Се шпекулира дека од јули до сега се продадени околу 75 000 дреса од Адри или околу 25 000 во просек месечно.

“Заработивме добро од продажбата на дресови и од зголемената посетеност.” – рече маркетинг директорот на Фламенго, Рикардо Хеинришен. “Но исто така имаме и индиректен бенефит.”

Покрај Фламенго со насмевка на лицето се и првите луѓе на спонзорот ’Olympikus’ кој финансира дел од платата на Бразилецот и добива дел од продажбата на дресови а се верува дека тој дел изнесува околу 2 милиони евра.

Powered by: 24 FUDBAL.com.mk