Според италијанските медиуми, адвокатот на Горан Пандев, Грасани денеска ќе поднесе барање до Арбитражниот Комитет за раскин на договорот со Лацио

Македонскиот интернационалец е во немилост кај управата на Лацио откако ова лето одби да го продолжи договорот и побара да биде продаден.

Пандев не беше вклучен во составот на Лацио за Лига Европа а тренерот Балардини не смета на неговите услуги ни за натпреварите од Серија А.

На моменти напаѓачот не тренира ниту со првиот тим на Бјанкочелестите па затоа Пандев заедно со својот адвокат Грасани подолго време подготвуваат правен случај против Лацио и брање за раскин на договорот.

Според медиумите од Италија можно е во текот на денот Грасани да го достави барањето од Арбитражниот Комитет.

Последните изјави на Лотито (дека ’бегалците’ нема да биде вратен во тимот) ја затворија вратата за можно враќање на Македонецот во тимот и само ја зголемија надежда на Горан дека ќе може да го добие случајот.

Доколку судот одлучи договорот на Пандев со Лацио да биде раскинат, Пандев ќе може во јанури слободно да избира каде ќе ја продолжи кариерата.

Интер важи за фаворит за потписот на Пандев и се верува дека двете страни веќе имаат постигнато договор за личните услови на играчот.

Нероаѕурите подолго време се во преговори со Лацио за висината на оштетата и иделно за нив ќе биде да се постигне согласност со Бјанкочелестите за да се одржат добрите односи и Лацио да заработи нешто од продажбата на Пандев.

Powered by: 24 FUDBAL.com.mk