Англија | Брендан Роџерс ги демантира гласините кои велат дека Луис Суарез би можел да потпише за Манчестер Сити во јануари во трансфер вреден 50 милиони фунти...

Неколку весници во Англија објавија дека Роберто Манчини посакува во јануари да го донесе Луис Суарез, и за таа цел е подготвен да одвои 50 милиони фунти.

„Треба да го прашате Роберто Манчини за тоа. Суарез останува тука" - изјави Роџерс запрашан за трансфер шпекулациите за Суарез.

„Доколку го загубиме Суарез, ќе немаме напаѓачи, па не можеме да си дозволиме да загубиме никој".

„Тој не е некој кој би сакале да го продадеме. Фантастично е да се работи со него, сакаме да го засилиме нашиот состав со ангажман на нови играчи, не да го ослабнеме, особено не да продаваме фудбалери од светска класа".

„Со потпишувањето на нов договор во летниот период, Луис веќе ја искажа верноста кон клубот, сега постигнува голови и работи добро. Тој е многу среќен тука".