СП 2014 | Златан Ибрахимовиќ можеби го постигна најубавиот гол на сите времиња, но напаѓачот останува смирен и само вели дека погодокот бил убав...

Ибра ја покажа својата класа на вчерашниот пријателски натпревар помеѓу Шведска и Англија, постигнувајќи четири погодоци во победата од 4-2 на ’Викинзите’.
 
За одбележување е четвртиот гол на напаѓачот, импресивни ножички од триесеитна метри, погодок кој сигурно ќе биде кандидат за најубав во историјата на фудбалот.
 
„Мислам дека погодокот беше убав” – рече Ибрахимовиќ по крајот на средбата. „Навистина уживав, и покрај тоа што се работи за пријателски натпревар”.
 
„Имам постигнато неколку убави погодoци во мојата кариера, но никогаш претходно не сум постигнал четири во дресот на Шведска”.
 
„Од четирите погодоци, би кажал дека најмногу ми се допадна првиот, бидејќи беше историски, прв на новата арена”.
 
Ибра потоа додаде: „При долгата топка, го видов голманот дека истрчува. Размислував, ’Дали да влезам во дуел или да чекам тој да ја исфрли топката?’ Кога Харт ја исфрли топката, веднаш ми падна на памет дека морам да се обидам да постигнам гол”.
 
„Бев на земја кога видов дека топката оди кон голот.“
 
„Еден дефанзивец се обиде со лизгачки старт да ја расчисти топката, сакав да викнам ’НЕ’, но за среќа топката ја затресе мрежата”.
 
Ибра исто така изрази надеж дека Англичаните сега ќе имаат повисоко мислење за него.
 
„Такви се Англичаните” – продолжи напаѓачот. „Доколку постигнете погодок против нив, тогаш сте добар фудбалер, доколку не постигнете погодок против нив, не сте добар фудбалер”.
 
„Таква беше ситуацијата со Лео Меси пред финалето од Лигата на Шампионите во 2009”.
 
„Потоа тој постигна гол против Манчестер Јунајтед и одеднаш стана најдобриот фудбалер во светот”.
 
„Можеби сега тие ќе кажат нешто слично и за мене”.