Англија | Ерик Кантона вели дека посакува Сер Алекс Фергусон засекогаш да биде менаџер на Манчестер Јунајтед, но доколку му понудат и нему да седне на клупата на Црвените Ѓаволи, со задоволство ќе прифати...

Харизматичниот Ерик Кантона пет години го носеше дресот на Манчестер Јунајтед и со својот однос и игра успеа да си обезбеди место во историјата на клубот од Олд Трафорд.
 
„Алекс Фергусон е млад, има толку многу енергија, толку многу љубов за оваа игра, толку многу работи да даде, повеќе, повеќе и повеќе" - вели Кантона кој во моментов е фудбалски директор на Њујорк Космос.
 
„Сакам да го гледам Манчестер Јунајтед како освојува титули, сакам Фергусон да биде менаџер засекогаш".
 
„Тој е победник, затоа има освоено толку многу работи. Секој натпревар му е како прв во кариерата, ви ја пренесува таа негова пасија, негова љубов кон играта, љубов за освојување на трофеи".
 
Запрашан дали би прифатил да го предводи Манчестер Јунајтед доколку му се понуди таква работа, Кантона одговори:
 
„Јунајтед е посебен клуб за мене, па се разбира би го направил тоа. Денес сум во Њујорк Космос, но еден ден, доколку ми се укаже можност, зошто да не?".